Borrell mesazh Kurtit dhe Vuçiçit: Dialogu nga BE-ja është rruga e vetme

Përfaqësuesi i Lartë i BE-së për politikë të Jashtme, Josep Borrell, ka ftuar kryeministrin e Kosovës Albin Kurti dhe presidentin e Serbisë, Aleksandar Vuçiç, të kthehen në situatën kur mund të vazhdojë dialogu në Bruksel.

Borell në një konferencë për media foli për situatën e fundit që u shkaktua në pikat kufitare Kosovë – Serbi, përkatësisht në Jarinjë dhe Bërnjak.

“Kemi pasur situatë të vështirë në kufirin Kosovë – Serbi. Kam folur si me Vuçiqin ashtu edhe me Kurtin. Rastet e fundit dhe marrëveshja (për targat) tregojnë se dialogu i lehtësuar nga BE-ja është rruga e vetme. Unë i ftoj të dy që të kthehen në situatën ku mund të vazhdojnë dialogun”, ka thënë Borell.